يارا السكري تتحدث عن مواصفات فتى أحلامها: لن أقول على اسمه

لها - حلّت الفنانة يارا السكري، ضيفة على برنامج "صاحبة السعادة"، الذي تقدمه الفنانة إسعاد يونس على قناة dmc، حيث تحدثت عن رأيها في الأمومة، وكيف تغيرت وجهة نظر الفتيات في الوقت الحالي، في قصة الأمومة بشكل عام، بسبب تغير الزمن وحدوث العديد من التطورات، مثيرة الجدل حول مواصفات فتى أحلامها، رافضة الإفصاح عن اسمه.


قالت يارا عن فكرة الأمومة: "أنا كنت عايزة أبقى أم، لأني بشوف إن الأمومة حاجة كبيرة، والطفل دا بتكبريه ويطلع يواجه مجتمع عشان كدا بشوف الأم مسؤولة إنها تطلع جيل".

وتابعت: "لأن اللي هيجي هيكون ليه حق على والدته، لذلك ضروري لازم نهتم بيه خاصةً في سنينه الأولى، وزمان على أيامي كانت أمي بتوديني النادى والمدرسة وتعملنا الغدا، ولكن دلوقت لما بروح النادي مش بشوف الطفل مع مامته".

واستكملت: "وإحنا حاليًا الستات عندها مفهوم إن النجاح لازم يكون مرتبط بالشغل، ولكن أنا شايفة إن اهتمام الست بالبيت والأولاد هو نجاح، وأنا أفضل أكون مع أولادي في كل التفاصيل".


يارا السكري: فتى أحلامي أسمر وطويل وبشنب ودقن ولن أقول اسمه
وتحدثت يارا السكرى، عن مواصفات فتى أحلامها، مثيرة الجدل حول تلك المواصفات والتي اعتبرها عدد كبير من المتابعين تتحدث بشكل صريح عن مواصفات الفنان أحمد العوضي، حيث قالت: "مش فارقة يكون عنده شنب ولكن كويس لو عنده دقن، ومش بميل للرجل الأصلع".

وتابعت: "واتمنى يكون بشرته غامقة أو قمحاوى وأسمراني، والمهم يكون بيعمل وناجح حتى لو مش ممثل، ويكون من طبقة اجتماعية جيدة وجدع وابن بلد، ويكون مشهور إنه ناجح وسمعته جيدة، واتمنى يكون طويل، ويكون مصرى مش من إيجيبت، ولو اتجوز قبل كدا عادي، ومش هقول أول حرف من اسمه".